ESSS
MENUMENU

በኢትዮጵያ ስፔስ ሶሳይቲ የስራ እንቅስቃሴ ዙሪያ ገለፃ ለአዲስ አበባ ከተማ አስተዳደር ትምህርት ቢሮ ሰራተኞች ቀረበ

የኢትዮጵያ ስፔስ ሳይንስ ሶሳይቲ በኢትዮጵያ የህዋ ሳይንስ ቴክኖሎጂ በአሁኑ ሰሃት በምን ደረጃ ላይ እንደሚገኝና ማህበሩ እያደረገ ባለው እንቅስቃሴ ዙሪያ ለአዲስ አበባ ከተማ አስተዳደር ትምህርት ቢሮ ሰራተኞች ገለፃ አደረገ፡፡

በዝግጅቱ የኢትዮጵያ ስፔስ ሳይንስ ሶሳይቲ የበላይ ጠባቂ አቶ ተፈራ ዋልዋ እንዳስታወቁት በኢትዮጵያም ሆነ በሌሎች የአፍሪካ ሀገራት ከህዋ ሳይንስና ቴክኖሎጂ ጋር በተገናኘ ያለው ግንዛቤ አነስተኛ መሆኑንና በቴክኖሎጂው ያደጉ አገራት ብቻ የሚገለገሉበት አድርጎ የማሰብ አዝማሚያ ሲታይ መቆየቱን ጠቅሰው የኢትዮጵያ ስፔስ ሳይንስ ሶሳይቲ 1996 . 47 ግለሰቦች ተቋቁሞ የተለያዩ እንቅስቃሴዎችን ሲያደረግ የቆየ መሆኑንና በአሁኑ ሰአት በመላ ሀገሪቱ 20 ቅርጫፎችን በመክፈት እንቅስቃሴ እያደረገ መሆኑን አስረድተዋል፡፡

የበላይ ጠባቂው አቶ ተፈራ ዋልዋ አክለው የኢትዮጵያ ስፔስ ሳይንስ ሶሳይቲ በትምህርት ቤቶች ጭምር ቅርጫፎች በመክፈት እየተንቀሳቀሰ ከመሆኑ ባሻገር በዘርፉ የተማሩ ባለሙያዎችን ለማፍራት በተሰሩ ስራዎች በእንጦጦ የምርምር ጣቢያ 43 የዶክትሬት ዲግሪ ተማሪዎች በመማር ላይ መሆናቸውን ጠቅሰው ማንኛውም ሰው የማህበሩን አላማ ተረድቶ አባል ለመሆን ከፈለገ በአመት 120 ብር የአባልነት በመክፈል መመዝገብ እንደሚችልና ተማሪዎች በነፃ የማህበሩ አባል እንደሚሆኑም አስገንዝበዋል፡፡

የአዲስ አበባ ከተማ አስተዳደር ትምህርት ቢሮ ኃላፊ አቶ እንደሻው ጣሰው የኢትዮጵያ ስፔስ ሳይንስ ሶሳይቲ የበላይ ጠባቂም ሆኑ ማህበራቸው ለትምህርት አመራሮችና ባለሙያዎች በዘርፉ እየተሰራ ስላለው ተግባር ግንዛቤ ለመፍጠር በመገኘታቸው በቢሮው ስም አመስግነው በትምህርት ቤቶች ያሉ የስፔስ ሳይንስ ክበባትን በማጠናከርና ሌሎችም እንዲቋቋሙ ለማስቻል በትኩረት እንደሚሰራ አስታውቀዋል፡፡

ዘገባው የአዲስ አበባ ከተማ አስተዳደር ትምህርት ቢሮ የኮሚዩኒኬሽን ዳይሬክቶሬት ነዉ፡፡

Copyright © 2018 Ethiopian Space Science Society. Designed by Techno Bros